“Izraeli dhe Hezbollahu kanë rënë dakord për një armëpushim që fillon në orën 4 të pasdites, sipas orës lokale, (sot), të premten”, tha një zyrtar i lartë amerikan për ‘Reuters’.
Ndërsa mediat ndërkombëtare raportojnë që në mëngjes se armiqësitë nga të dyja palët ishin, në fakt, arsyeja pse takimi midis amerikanëve dhe zyrtarëve iranianë në Zvicër u anulua.
“Hezbollahu dhe Izraeli kanë rënë dakord për një armëpushim”, tha zyrtari në kushte anonimiteti, duke shtuar se negociatorët amerikanë dhe të Katarit ndërmjetësuan marrëveshjen me ndihmën e Iranit.
“Ne e kuptojmë se pas shkëmbimit të zjarrit më herët sot, Izraeli dhe Hezbollahu tani janë në një armëpushim”, shtoi burimi.
Fillimi i armëpushimit u konfirmua gjithashtu nga një zyrtar izraelit , i cituar nga Channel 13, i cili, megjithatë, shtoi se forcat ushtarake të vendit do të mbeten në Libanin jugor dhe do të përgjigjen nëse sulmohen.
Ndërkohë, dy burime në organizatën shiite i thanë Reuters se Hezbollahu e zbatoi armëpushimin sapo u informua për marrëveshjen.
Më parë, Ministri i Jashtëm iranian, Abbas Araghchi, akuzoi Izraelin se po kërkon një “luftë të përhershme”, pas deklaratave të Ministrit të Sigurisë Kombëtare të Izraelit, Itamar Ben Gvir, i cili tha se “i gjithë Libani duhet të digjet” pas vdekjes së katër ushtarëve izraelitë në zonë.
“Ky nuk është një klithmë e një paranojaku të rastësishëm gjenocidal. Është një deklaratë publike nga Ministri i Sigurisë Kombëtare i regjimit izraelit. “Kulti i vdekjes gjenocidale me bazë në Tel Aviv është një kërcënim për të gjithë njerëzimin. Ai kërcënon të gjithë njerëzit. Interesi i tij i vetëm është lufta e përhershme”, shkroi Aragchi në platformën X.
Ndërkohë, Irani akuzoi Shtetet e Bashkuara se mbajnë përgjegjësi të drejtpërdrejtë për sulmet izraelite në Liban, duke dënuar operacionet kundër Hezbollahut dhe duke paralajmëruar për ndikimin e tyre në paqen dhe sigurinë rajonale.
Zëdhënësi i Ministrisë së Jashtme iraniane, Esmail Baghai, tha se ndërprerja e armiqësive midis Izraelit dhe Hezbollahut të mbështetur nga Irani ishte një pjesë integrale e mirëkuptimit të arritur këtë javë midis Uashingtonit dhe Teheranit për t’i dhënë fund konfliktit në të gjitha frontet.
Ai shtoi se Irani do të merrte “të gjitha masat e nevojshme” për të mbrojtur interesat, sigurinë dhe aleatët e tij.
© Panorama.al
