TIRANË- Asnjë moment ndërprerje dritash dhe import energjie pavarësisht çmimit të lartë.
Kështu është shprehur sot kryeministri, Sali Berisha, i cili duke e quajtur situatën e reshjeve aspak premtuese dhe thatësinë që po mban një punë të Zotit ka garantuar marrjen e masave.
Sipas tij, qeveria do të importojë energji elektrike për të përballuar situatën aktuale në vend, madje po pati nevojë për këtë do të modifikohet dhe buxheti i shtetit për vitin 2012. “Thatësira ka përfshirë jo vetëm Shqipërinë, por edhe rajonin dhe se pavarësisht reshjeve të shirave të rëna ditet e fundit, situata nuk paraqitet aspak premtuese”- tha ai.
Berisha ka shtuar se qeveria i përmbahet parimit se çmimi më i lartë i energjisë është mungesa e saj “dhe nuk do ndërpritet kurrë energjia për shkak të çmimit”.
© Panorama.al
