Jennifer Lopez ka ndarë me ndjekësit e saj disa momente nga ditët e fundit, ku ka festuar ditëlindjen e motrës së saj në një atmosferë intime dhe të veçantë.
Këngëtarja publikoi në Instagram disa foto nga udhëtimi i saj në Europë, ku në njërën prej tyre shihet duke shijuar një moment relaksi në vaskë, e mbuluar me shkumë, ndërsa motra e saj ndodhet pranë saj duke qeshur.
Në një tjetër foto, dy motrat shihen duke fryrë qirinjtë e një ëmbëlsire së bashku, pasi ditëlindjet e tyre janë vetëm pak ditë larg. “Një udhëtim i dyfishtë për ditëlindje me motrën time është gjithmonë një ide e mirë. Të dua Lini. Gëzuar ditëlindjen”, shkroi Lopez në postimin e saj.
Gjatë këtyre ditëve, artistja ka ndarë edhe pamje të tjera nga udhëtimi i saj në Europë, përfshirë fotografi pa grim, momente nga Java e Modës së Lartë në Paris dhe paraqitjen e saj në Wimbledon në Londër.
