Protestës së 24-të radhazi për dorëheqjen e kryeministrit Edi Rama dhe largimin e qeverisë i është bashkuar edhe ish-zv.ambasadori i OSBE-së në Tiranë, Robert Wilton.
Prania e Wilton në tubimin e zhvilluar në kryeqytet është vënë re mes qytetarëve që janë mbledhur për të kërkuar largimin e qeverisë dhe ndryshime politike në vend.
Protestuesit janë mbledhur fillimisht në Sheshin Skënderbej, dhe kanë marshuar më pas drejt Kryeministrisë, ku vijojnë thirrjet për dorëheqjen e kryeministrit Edi Rama.
Protesta e sotme shënon ditën e 24-t të mobilizimit qytetar, ndërsa organizatorët dhe pjesëmarrësit kanë deklaruar se do të vijojnë tubimet deri në realizimin e kërkesave të tyre, ky kryesore dhe e panegociueshme është dorëheqja e Ramës.
© Panorama.al
