I ka mjaftuar pjesa e dytë skuadrës së Interit për të shkatërruar 5-2 Xhenoan në ndeshjen e vlefshme për javën e 28-të të Serisë A, të luajtur në Milano. Miqtë e mbyllën pjesën e parë në avantazh 1-0, falë golit të shënuar nga Palacio në minutën e 40-të. Por, në fraksionin e dytë të lojës, zikaltrit kthyen gjithçka. Fillimisht barazoi Pacini (50′) dhe më pas shënoi dy herë Eto (51′, 57′). Por Interi s’do ndalej me kaq. Pandev do shënonte në minutën e 71-të, ndërsa Nagatomon në të 84-ën. Miqtë shënuan golin e dytë me Boselin në sekondat e fundit të takimit,5-2. Ndërkohë, Napoli humb sërish terren, pasi nuk ka shkuar me shumë se një barazim pa gola me Breshian. Po 0-0 u mbyll edhe Kievo-Parma, ndërsa Bolonja e Kaljari ndanë nga një pikë pas barazimit 2-2. Në ndeshjen e luajtur më herët, Sampdoria u mund brenda me rezultatin 3-2 nga Çezena. Fiorentina mundi pastër 3-0 Katanian, ndërsa Udinezes i mjaftoi një gol për të marrë 3 pikëshin e radhës ndaj Barit. Renditja sheh Milanin në krye me 61 pikë, ndjekur prej Interit me 56 dhe Napolit 53 pikë.
Opinion
G7: I njëjti vend, një botë tjetër
VALBONA ZENELI
Beştepe
LEONARD DEMI
Shoqëria civile e rreme dhe ajo e vërteta
MRIKA TEMALI
© Kjo faqe kontrollohet dhe menaxhohet nga Gazeta Panorama. Të gjitha materialet në të, përfshirë fotografitë, janë të mbrojtura me copyright të Panorames. Materialet në këtë faqe nuk mund të përdoren për qëllime komerciale. Ndalohet kopjimi, riprodhimi dhe publikimi i paautorizuar në çfarëdo mënyre, pa lejen paraprake të Panorama-s. Shfrytëzimi i materialeve pa lejen e Grupit Panorama është shkelje e te drejtave të autorit dhe të pronës intelektuale sipas dispozitave ligjore në fuqi. Të gjithë shkelësit e këtyre të drejtave do të ballafaqohen me ligjin. Të gjitha të drejtat Gazeta Panorama