Janë zgjidhur edhe shumë dilema te inferiorët, ndaj java e sotme e fundit edhe në këto kampionate do të luhet më së shumti për play-off dhe play-out. Kështu, në Kategorinë e Parë pritet të mësohet edhe emri i skuadrës së katërt që do të ngjitet direkt në Superiore pas Pogradecit, Kamzës dhe Tomorit. Apolonia dhe Besëlidhja do të kërkojnë që të marrin një biletë direkte në elitën e futbollit shqiptar, por, në bazë të renditjes, fierakët janë shumë më të favorizuar. Madje, këtyre do t’u mjaftonte një barazim në Pukë ndaj Tërbunit ose mjafton që Besëlidhja të mos fitonte me Mamurrasin për të mos luajtur edhe një ndeshje shtesë. Ndërkaq, nga vendi i 14-të e deri te vendi i 10-të, janë të gjithë në garë për t’iu larguar zonës play-out. Më të favorizuara janë Ada dhe Luftëtari, të cilave do t’u mjaftonte nga një barazim në sfidat e tyre, ndërsa zor se i shpëtojnë kësaj ndeshjeje pukjanët (vetëm në rast se Vlora dhe Gramshi humbin). Më keq e ka Gramshi, i cili luan në transfertë ndaj Adës, ndërsa Vlora pret më e qetë Gramozin, pa asnjë motivim dhe pretendim. Në Kategori të Dytë, në të dyja grupet janë zgjidhur skuadrat që do të ngjiten direkt në Kategorinë e Parë: Kukësi dhe Iliria nga grupi A dhe Butrinti e Himara nga grupi B. Ndërkaq, është mësuar edhe skuadra që do të luajë në play-of nga grupi B, Përrenjasi dhe pritet të zyrtarizohet edhe skuadra e grupit A, ku Skrapari është favorit, pasi ka 2 pikë më shumë se Luzi.
Kategoria 1/ Java 30
Dje, ora 16:00
Pogradeci-Burreli 4-2
Raboshta 2′, Eminhazeri 39′, Balla 65′, Elmazi 80’/ Beshka 71′, Kuleni 86′
Sot, ora 16:00
Tërbuni-Apolonia
Vlora-Gramozi
Bilishti-Tomori
Besëlidhja-Mamurrasi
Luftëtari-Partizani
Ada-Gramshi
Lushnja-Kamza
Renditja
Nr. Ekipi ND F B H P
1. Pogradeci 30 22 2 6 68
2. Tomori 29 19 3 7 60
3. Kamza 29 17 9 3 60
4. Apolonia 29 18 5 6 59
5. Besëlidhja 29 16 8 5 56
6. Mamurrasi 29 13 3 13 42
7. Gramozi 29 12 3 14 39
8. Lushnja 29 11 3 15 36
9. Burreli 30 10 6 14 36
10. ADA 29 10 4 15 34
11. Luftëtari 29 9 7 13 34
12. Gramshi 29 8 7 14 31
13. Vlora 29 9 4 16 31
14. Tërbuni 29 8 6 15 30
15. Bilishti 29 8 3 18 27
16. Partizani 29 4 5 20 17
