Komisioni i Ankimimeve dhe Sanksioneve (KAS) pranoi sot kërkesën e ish-deputetit Lefter Maliqi dhe mori sot (8 qershor) një vendim të rëndësishëm lidhur me fatin politik të Bashkisë së Kuçovës.
Gjatë mbledhjes, KAS shqyrtoi kërkesën ankimore nr. 1, të depozituar më datë 1 qershor 2026 nga Partia e Lirisë dhe Lefter Maliqi ndaj Kreshnik Hajdarit, i cili rezulton i dënuar në Greqi, teksa kërkohet shkarkimi i tij, edhe pas vendimit të GJKKO-së në Shqipëri.
Objekti i këtij ankimimi ishte kundërshtimi i vendimit nr. 35, të datës 21 maj 2026, të marrë më herët nga Komisioneri Shtetëror i Zgjedhjeve (Ilirjan Celibashi), që e ola në detyrë Hajdarin.
Ky vendim i parë lidhej me shqyrtimin administrativ të rezultatit të verifikimit (dosjen e dekriminalizimit) për kryetarin aktual të Bashkisë së Kuçovës, Kreshnik Riza Hajdari, i cili ka garuar nën logon e Partisë Socialiste.
Pasi shqyrtoi argumentet e paraqitura nga përfaqësuesit ligjorë të Partisë së Lirisë dhe Lefter Maliqit, trupa e KAS-it vendosi:
-Pranimin e pjesshëm të kërkesës ankimore të depozituar nga opozita.
-Shfuqizimin e plotë të vendimit nr. 35, datë 21.05.2026, të Komisionerit Shtetëror të Zgjedhjeve për mbylljen e verifikimit ndaj Kreshnik Hajdarit.
-Detyrimin e Komisionerit Shtetëror të Zgjedhjeve që të rikthejë dosjen dhe ta shqyrtojë në themel këtë çështje administrative.
-Rrëzimin e kërkesës që synonte moslejimin e ankimit ndaj këtij procesi.
Në këtë mënyrë, KQZ do të duhet të mblidhet dhe marrë përsëri një vendim mbi këtë çështje.
© Panorama.al
