Këshilli i Legjislacionit dhe Komisioni i Ligjeve nisën dje zyrtarisht procedurat për ndryshimin e Kushtetutës.
Në një mbledhje që zgjati rreth 150 minuta, maxhoranca dhe opozita debatuan me njëra-tjetrën për numrin e kapitujve që duhet të preken në ligjin themeltar të shtetit.
Sipas PD-së, Kushtetuta duhet prekur vetëm në pikën e heqjes së imunitetit, ndërsa për opozitën, me këtë rast duhet cilësuar zgjedhja me 3/5 e gjyqtarëve, anëtarëve të KLD-së dhe prokurorit të Përgjithshëm.
Këshilli i Legjislacionit caktoi Majkon dhe Palokën si relatorë të çështjes, të cilët, pasi të dëgjojnë sot mendimin e konstitucionalistëve, do të hartojnë raportin, i cili, sipas të gjitha gjasave, do të jetë i ndryshëm.
Më pas, Komisioni i Ligjeve do të bëjë shqyrtimin e propozimeve nen për nen dhe në fund do të jetë seanca e 6 gushtit ajo që do të vendosë me votë nëse këto ndryshime do të miratohen.
(Lajmin e plote, shoqeruar edhe me gjithe debatin dhe replikat ne Kuvend, e lexoni numrin e sotem te gazetes “Panorama”)
© Panorama.al
