Alexander Lebedev, i cili ka në pronësi dy gazeta britanike, ka goditur me grushte në një debat televiziv një tjetër biznesmen, kur u hap diskutimi për krizën ekonomike globale. Përballë audiencës së shushatur në studio, miliarderi rus ka goditur disa herë oligarkun Sergei Polonski në kokë, duke e rrëzuar atë nga karrigia. Pas kësaj, Lebedev tha se e kishte “neutralizuar” Polonskin, sepse druhej se ai do ta godiste i pari. Skena e çuditshme u regjistrua në kanalin NTV dhe u transmetua dje. Pak para sulmit, Polonski kishte deklaruar dëshirën për “t’ia kërcitur një turinjve” Lebedevit. Lebedev, i cili ka qenë agjent i KGB-së, dhe tani zotëron “The Independent” dhe “London Evening Standard”, e mbrojti veten duke thënë se Polonski kishte qenë mjaft agresiv gjatë diskutimit. Lebedev është një nga njerëzit më të pasur në botë, me një pasuri prej 3.1 miliardë dollarë. Përveç gazetave britanike, ai zotëron edhe gazetën ruse “Novaya Gazeta”.
Opinion
G7: I njëjti vend, një botë tjetër
VALBONA ZENELI
Beştepe
LEONARD DEMI
Shoqëria civile e rreme dhe ajo e vërteta
MRIKA TEMALI
© Kjo faqe kontrollohet dhe menaxhohet nga Gazeta Panorama. Të gjitha materialet në të, përfshirë fotografitë, janë të mbrojtura me copyright të Panorames. Materialet në këtë faqe nuk mund të përdoren për qëllime komerciale. Ndalohet kopjimi, riprodhimi dhe publikimi i paautorizuar në çfarëdo mënyre, pa lejen paraprake të Panorama-s. Shfrytëzimi i materialeve pa lejen e Grupit Panorama është shkelje e te drejtave të autorit dhe të pronës intelektuale sipas dispozitave ligjore në fuqi. Të gjithë shkelësit e këtyre të drejtave do të ballafaqohen me ligjin. Të gjitha të drejtat Gazeta Panorama