Goditja e grupit që shiste lëndë narkotike, droga shpërndahej me taksi apo me motorë picash! Mes të arrestuarve edhe një ish-ushtarak

Detaje të tjera mësohen nga goditja e grupit kriminal që shiste drogëra të ndryshme në Tiranë.

Të arrestuarit kishin krijuar një “skemë” shpërndarjeje për të mos rënë në sy. Në disa raste ata e shpërndanin me taksi por edhe me motoçikleta të picave.

Me taksi lëvizte Olsi Mici, i arrestuar, ndërsa me motoçikletë të shpërndarjes së picave, i loguar me nje brand ndërkombëtar, ishte Erdison Gjella, gjithashtu në mesin e 22 të arrestuarve.

LEXO EDHE: Goditet grupi që shiste lëndë narkotike në Tiranë, identifikohen 33 anëtarë! 22 prej tyre vihen në pranga! Ja çfarë u sekuestrua

Mësohet gjithashtu se mes të arrestuarve është edhe një ish-ushtarak, Dylber Alijaj.

Drogën ata e shpërndanin në disa zona të Tiranës: Bllok, Kamëz, Laprakë, Selitë, Tiranë e Re, Shkozë, Ali Demi, Xhamllik, Pazari i Ri, Shkolla e Kuqe, Astir, Myslym Shyri dhe Komuna e Parisit. Lënda narkotike shitej nëpër lokale, tabakino, mjete taksi, si dhe të kamufluara si shpërndarje porosish të ndryshme.

Në kuadër të këtij operacioni, policia sekuestroi 10 kg kanabis dhe 100 doza, rreth 500 gramë kokainë, 5 automjete, 28 celularë, 6 peshore elektronike dhe 3 000 euro.

Kush janë personat e arrestuar:

1. Renaldo Dalipi, 32 vjeç
2. Engelbert Pjetri, 33 vjeç
3. Armandi Hajdini, 43 vjeç
4. Olsi Mici 32 vjeç
5. Fatjon Cela (Çela), 34 vjeç
6. Xhon Boci, 31 vjeç
7. Laert Murataj, 23 vjeç
8. Artan Pullazi, 47 vjeç
9. Erald Sina, 39 vjeç
10. Blerim Mali, 34 vjeç
11. Gentjan Vercani, 39 vjeç,
12. Valerjos Bushi, 19 vjeç
13. Olkid Hajdari, 35 vjeç
14. Dylber Alijaj, 39 vjeç
15. Angjelos Mema, 23 vjeç
16. Majdi Musa, 19 vjeç
17. Jurgen Hekurani, 29 vjeç
18. Erdison Gjella, 31 vjeç
19. Abdurahman Bollati, 20 vjeç
20. Klodian Rrucaj, 27 vjeç
21. Indri Nakaj, 22 vjeç
22. Genti Kraja, 20 vjeç

© Panorama.al