TIRANE- Ka vazhdur sot procesi gjyqësor në ngarkim të ish zëvendëskryeministrit, Ilir Meta me pyetjen e katër dëshmitarëve të rradhës.
Në përfundim të procesit gjyqësor, duke folur për mediat, përfaqësuesi ligjor i Ilir Metës, Spartak Braho, tha se dëshmitë e sotme vërtetuan edhe njëherë mashtrimet e Dritan Priftit.
Një nga dëshmitarët, Fatmir Merkaj, administrator i “Merkaj shpk”, tha se e kishte takuar Dritan Priftin dhe se ky i fundit i kishte kërkuar një dhuratë.
Spartak Braho, pohoi nga ana tjetër se, Prifti jo vetëm që ka kërkuar dhuratë por edhe ka marrë.
Seanca e rradhës në ngarkim të Metës, për çështjen e videopërgjimit “Meta- Prifti”, u caktua për në 12 dhjetor.
© Panorama.al
