TIRANË- Shtyhet seanca ndaj kreut të LSI-së, Ilir Meta në Gjykatën e Lartë, për çështjen e video-përgjimit.
Në seancën e sotme u lexuan pyetjet e prokurorëve për aktin e ekspertimit, publikuar pak kohe me pare, sipas të cilit hidhet poshtë origjinaliteti i videos, përgjuar nga ish ministri i Ekonomisë, Dritan Prifti.
Pasi janë lexuar gjithë pyetjet që prokurorët kanë pasur lidhur me ekspertimit e bërë, ekspertët kanë kërkuar kohë për përgatitje.
Trupi gjyqësor ka rënë dakord kështu të bëjë shtyrjen e seancës, për t’i lënë kohën e mjaftueshme ekspertëve.
© Panorama.al
