Një gjeneral rus është vrarë në një shpërthim në Moskë, kanë njoftuar zyrtarët e këtij vendi, raportoi BBC.
Komiteti Hetues i Rusisë tha se gjenerallejtënant Fanil Sarvarov vdiq të hënën në mëngjes pas shpërthimit të një pajisje shpërthyese që ishte vendosur nën një makinë.
Siç bëhet e ditur, Sarvarov ishte kreu i departamentit të trajnimit operativ të forcave të armatosura.
Thuhet se një hetim është nisur për përfshirjen e shërbimeve të inteligjencës ukrainase.
Ukraina nuk ka komentuar në lidhje me këtë rast.
© Panorama.al
