Në ditën e 54-t të protestës dhe rezistencës popullore në Tiranë për rrëzimin e qeverisë, largimin e Edi Ramës, Sali Berishës dhe klasës së vjetër politike, qytetarët nuk i kanë munguar apo kursyer thirrjet dhe parullat e tyre plotë sarkazëm, ironi dhe shpoti.
Të mbledhur në sheshin “Skënderbej” sot, pak para se të nisnin marshimin e përnatshëm dhe të kthyer në një rit të jashtëzakonshëm, ata mbanin pankartat dhe parullat e larmishme.
Spikasnin ato me goditje të sistemit të vjetër politik, apo “matematikës së Zeqinesë”.
Qytetarët shpreheshin ndër të tjera për qëndresën e tyre dhe arsyet e forta për të vazhduar.
Më poshtë disa nga parullat dhe pankartat e protestës së sotme:
–“Ata shpresojnë të dorëzohemi, ne sa bëhemi më të vendosur”
-Ata numërojnë ditët, ne numërojmë arsyet”
“Matematika e politikës shqiptare, hajde Zeqine hajde!”
“Po për Evropën, jo për një sistem të vjetër”
“Shpresa nuk fluturon, ajo qëndron”
“Njihuni me liderët tanë”
“Llogaridhënia nuk është opsion, është detyrë”
© Panorama.al
