Policia e Kurbinit njoftoi sot (18 qershor) se goditi një tjetër rast të kultivimit të kanabisit.
Aksioni u krye në fshatin Fushë Gjormë, kurse pranga ka rënë një persona dhe po punohet për kapjen e bashkëpunëtorit të tij.
Gjatë operacionit, në territorin e fshatit Fushë Gjormë, u gjetën 1820 bimë të dyshuara narkotike kanabis sativa, të cilat u asgjësuan nëpërmjet djegies.
”Në cilësinë e provës materiale u sekuestruan 2 automjete, 1 celular dhe sende të tjera që do t’i shërbejnë hetimit për dokumentimin e këtij rasti. Vijojnë kontrollet antikanabis në të gjithë territorin e qarkut”, thanë burime zyrtare.
Materialet procedurale iu referuan Prokurorisë pranë Gjykatës së Shkallës së Parë të Juridiksionit të Përgjithshëm Lezhë, për veprime të mëtejshme.
