Presidentja e Kosovës, Vjosa Osmani ka uruar Festën e 28 Nëntorit, duke u shprehur se historia e shqiptarëve është shkruar me gjak.
“Dita e Flamurit, e Pavarësisë së Shqipërisë, e lindjes së Komandantit Legjendar Adem Jashari dhe e daljes së parë publike të UÇK-së, janë katër ngjarje që përbëjnë boshtin e krenarisë sonë kombëtare”, shkruan Osmani.
Presidentja shprehet se sot, Kosova e Shqipëria, ecin krah për krah si dy shtete, një komb, dy flamuj dhe një zemër.
“Gëzuar Ditën e Flamurit! Gëzuar Pavarësinë e Shqipërisë!”, uron Osmani.
Postimi i plotë:
Dita e Flamurit, e Pavarësisë së Shqipërisë, e lindjes së Komandantit Legjendar Adem Jashari dhe e daljes së parë publike të UÇK-së, janë katër ngjarje që përbëjnë boshtin e krenarisë sonë kombëtare.
Nga Kruja e Skënderbeut, te Vlora e Ismail Qemalit dhe Prekazi i Jasharajve, historia jonë është shkruar me gjak, guxim dhe besim. Sot, Kosova e Shqipëria ecin krah për krah: dy shtete, një komb, dy flamuj, një zemër.
Gëzuar Ditën e Flamurit!
Gëzuar Pavarësinë e Shqipërisë!
Lavdi Komandantit Adem Jashari dhe të gjithë heronjve, dëshmorëve e martirëve të kombit tonë!
© Panorama.al
