VLORË-Një shtetas hungarez është arrestuar nga policia e Vlorës i akuzuar për evazion fiskal dhe pastrim parash.
Policia bën me dije se arrestimi është bërë mbrëmë nga ana e Sektorit Krimit Ekonomik në Drejtorinë e Policisë së Qarkut Vlorë, në kuadër të operacionit policor të koduar “ËANTED”. “ Si rezultat i këtij operacioni të cilit u bë arrestimi i shtetasit hungarez: Laszlo Vincze, vjec 55, lindur në Szekszard Hungari, me shtetësi dhe kombësi hungareze dhe banues në Vlorë”, thuhet në deklaratën e policisë.
Sipas policisë, ai kishte leje qendrimi në vendin tonë dhe jetonte në Vlorë prej dy vitesh, ku edhe kishte ngritur një firmë fantazmë marketingu. Firmë, që dyshohet se e ka përdorur për pastrimin e parave.
“Laszlo Vincze ndodhej në qytetin e Vlorës prej 2 vjetësh me leje qëndrimi dhe punësimi ku kishte krijuar firmën e vet “ELVIS L&M” sh.p.k e cila dyshohet të jetë përdorur për pastrim parash”- thuhet në deklaratë.
© Panorama.al
