Kryeministri Edi Rama synon që në zgjedhjet e 11 majit të marrë nga 78 mandate deri në 88 deputetë në rastin më të mirë. Parashikimin kreu i qeverisë e bëri në Kuç të Vlorës, vetëm tre dita para se qytetarët shqiptarë t’i drejtohen kutive të votimit.
Në skicën që vetë kryeministri Edi Rama ka projektuar, thotë se PS ka 100% shanse që më 11 maj të marrë nga 1 deputet më shumë në Dibër, Shkodër, Elbasan dhe Fier.
Sipas kryeministrit Rama mundësia që ai të marrë 88 mandate në rang kombëtar është 50%.
Rama parashikon 1 mandat me shume në Kukës, Vlorë, Durrës dhe Lezhë dhe nga 2 deputetë plus në Dibër, Shkodër, Tiranë, Elbasan dhe Fier.
Rama e quan këtë “Memorandumi i dytë i Kuçit”, pasi të parin e ka bërë në vitin 2021.
© Panorama.al
