Presidenti i Shqipërisë Bajram Begar ka uruar përmes një postimi në rrjetin e tij social “X” presidentin e ri të Shteteve të Bashkuara të Amerikës, Donald Trump.
Teksa e përgëzon për postin e rëndësishëm që Trump mori sot zyrtarisht, Begaj thekson se Shqipëria krenohet me aleancën dhe miqësinë e saj të fortë me SHBA-në dhe mbetet e përkushtuar për të forcuar më tej partneritetin mes dy vendeve.
Warm Congratulations to @realDonaldTrump on being sworn in as the 47th President of the United States.
The United States of America continues to stand as a testament to the enduring values of democracy.
Albania takes pride in its strong alliance and friendship with the USA…
— Bajram Begaj (@BajramBegajAL) January 20, 2025
“Urime të ngrohta për Donald Trump, i cili u betua si Presidenti i 47-të i Shteteve të Bashkuara. Shtetet e Bashkuara të Amerikës vazhdojnë të qëndrojnë si një dëshmi e vlerave të qëndrueshme të demokracisë. Shqipëria krenohet me aleancën dhe miqësinë e saj të fortë me SHBA-në dhe mbetet e përkushtuar për të forcuar më tej partneritetin tonë”, shkruan Begaj në rrjetin e tij social.
Donald Trump u rikthye sot në presidencën amerikane me një ceremoni inaugurimi në Uashington, duke u bërë presidenti i parë i cili do të shërbejë në mandate jo të njëpasnjëshme që nga vitet 1890.
© Panorama.al
