Kryetari i Bashkisë së Tiranës, Edi Rama, dha një urim politik dje në Ditën e Verës nga bulevardi “Dëshmorët e Kombit”, ku u zhvilluan disa aktivitete të ndryshme festive, për të shtatin vit radhazi në ditën e kësaj feste pagane. I shoqëruar nga bashkëshortja e tij, Linda, urimi i kryesocialistit ka shkuar për të gjithë ata shqiptarë që sot janë më të varfër, që vuajnë mungesën e një vendi pune. “U uroj të gjithëve gëzuar këtë Ditë Vere dhe në radhë të parë të gjithë atyre që vuajnë, që përballen me papunësinë, me varfërinë, atyre që përballen me ankthin e çmimeve që rriten përditë, ndërkohë që fuqia e lekëve në xhep bie përditë”, tha Rama. Duke e konsideruar Ditën e Verës si nismëtaren e stinës së pranverës, kryesocialisti nuk nguroi t’u uronte shqiptarëve një pranverë të re të mbushur me shpresa për të gjithë shqiptarët. “Qoftë kjo një ditë që paralajmëron një pranverë shprese dhe qoftë pranvera që vjen një fillimi i ri për shqiptarët që e jetojnë dhe nuk kanë ende mundësitë që meritojnë”, tha Rama.
Opinion
Gostia e kanibalëve dhe zgjimi i shpirtit të kombit
VIOLA ÇULLHAJ
Gota e mbushur e tranzicionit shqiptar
RUDINA HAJDARI
© Kjo faqe kontrollohet dhe menaxhohet nga Gazeta Panorama. Të gjitha materialet në të, përfshirë fotografitë, janë të mbrojtura me copyright të Panorames. Materialet në këtë faqe nuk mund të përdoren për qëllime komerciale. Ndalohet kopjimi, riprodhimi dhe publikimi i paautorizuar në çfarëdo mënyre, pa lejen paraprake të Panorama-s. Shfrytëzimi i materialeve pa lejen e Grupit Panorama është shkelje e te drejtave të autorit dhe të pronës intelektuale sipas dispozitave ligjore në fuqi. Të gjithë shkelësit e këtyre të drejtave do të ballafaqohen me ligjin. Të gjitha të drejtat Gazeta Panorama