TIRANE- Komiteti Shqiptar i Helsinkit ka kerkuar hetim dhe venie para drejtesise te pergjegjesve per dhunen ndaj dy vellezerve Urim dhe Shpëtim Marku, te keqtrajtuar sipas KSHH nga policia pas kthimit nga protesta e opozites para KQZ-se.
Permes nje deklarate per mediat, publikuar sot, KSHH sqaron se ngjarja ka ndodhur në Bulevardin “Zogu i I”, në afërsi të Ministrisë së Drejtësisë, mbasi personat e mësipërm ishin kthyer nga tubimi i organizuar para selisë të Komisionit Qëndror të Zgjedhjeve.
Dy vellerezit akuzohen per kundershtim dhe fyerje te punonjësve te policisë.
“KShH e pa të nevojshme të reagojë publikisht, sepse raste të tilla janë të përsëritura. Kjo është vënë re sidomos mbas shpërndarjes së tubimeve ndaj personave të identifikuar si pjesëmarrës në to”- thuhet ne njoftimin per shtyp. Sipas KShH probleme te tilla te ngjashme janë përmendur edhe në raportin e Komisionerit për të Drejtat e Njeriut të KE-së lidhur me ngjarjen e 21 Janarit 2011, që mbas tubimit, u ndaluan dhe u keqtrajtuan një numër i konsiderueshëm pjesëmarrësish në tubim, midis tyre edhe kalimtarë të rastit.
“KShH mendon se organet përkatëse duhet të reflektojnë për të dhënat ekzistuese që paraqiten në raportin e sipërpërmendur. Ndërsa për rastin konkret, KSHH mendon dhe shpreson për një hetim të shpejtë, transparent dhe të paanshëm”- perfundon deklarata.
© Panorama.al
