Lushnja tregoi fuqinë e saj, duke regjistruar fitoren me të thellë në javën e parë të Kategorisë së Parë. Lushnjarët fituan 5-0 në “Roza Haxhiu”, kundër një Mamurrasi që bëri shumë pak. Seria e golave: Mërtiri 14′, Topi 52′, Baci 78′ (aut), Sefa 86′ dhe Gjoni 89′. Besa e nisi shumë keq rikthimin në Kategorinë e Parë. Edhe pse shënoi e para me anë të Roshit, Caka dhe Cico firmosën fitoren 2-1 të Gramozit. Kjo e ka zemëruar pa masë trajnerin Magani, i cili nuk ka dashur as të flasë para mediave në fund të takimit. Fitore në transfertë regjistroi edhe Ada e Velipojës, me fitoren 2-0 në Burrel: Puka 16′ dhe Pëllumbaj 73′. Besëlidhja fitoi minimalisht 1-0 me debutuesen Himara, me një gol të Dibrës (46′). Në Gjirokastër, Jasmin Raboshta, me penalltinë e realizuar në minutën e 78-të, i dhuroi fitoren Luftëtarit kundër Vlorës (1-0). Dy ekipet e mbyllën me nga dhjetë lojtarë, pas ndëshkimeve më kartonë të kuq nga ana e gjyqtarit Cjapi. Në Sarandë, Butrinti fitoi 2-0 kundër ekipit tjetër debutues, Kukësit, duke konfirmuar se do të jetë një kockë e fortë. Në Çorovodë, Skrapari dhe Elbasani ndanë nga një pikë në barazimin e bardhë. Miqtë verdheblu treguan se kanë ende shumë gjëra për të rregulluar gjatë sezonit dhe se kështu janë shumë larg të qenit pretendentë. Në Shijak, Iliria e Fushë-Krujës humbi 2-1 me Gramshin. Marishta 6′ dhe Elezi 70′, zhvlerësuan barazimin e përkohshëm të Ujkës.
KATEGORIA E PARË/ Java 1
DJE
Skrapari – Elbasani 0-0
Besëlidhja – Himara 1-0
Dibra 46′
Luftëtari – Vlora 1-0
Raboshta 78(p)
Lushnja – Mamurrasi 5-0
Bufasi 13′, Topi 51′, Baci 76′(a), Sefa 84′, Gjoni 88′
Butrinti – Kukësi 2-0
Kola 28′, Dorti 90′
Burreli – Ada 0-2
Puka 16′, Pëllumaj 68′
Besa – Gramozi 1-2
Roshi 9’/ Caka 74′, Bilibashi 88′
Iliria-Gramshi 1-2
Ujka 60’/ Marishta 6′, Lezi 70′
RENDITJA
Skuadra N F B H G+ G- P
1 Lushnja 1 1 0 0 5 0 3
2 Ada 1 1 0 0 2 0 3
3 Butrinti 1 1 0 0 2 0 3
4 Gramozi 1 1 0 0 2 1 3
5 Gramshi 1 1 0 0 2 1 3
6 Luftëtari 1 1 0 0 1 0 3
7 Besëlidhja 1 1 0 0 1 0 3
8 Elbasani 1 0 1 0 0 0 1
9 Skrapari 1 0 1 0 0 0 1
10 Vlora 1 0 0 1 0 1 0
11 Himara 1 0 0 1 0 1 0
12 Iliria 1 0 0 1 1 2 0
13 Besa 1 0 0 1 1 2 0
14 Kukësi 1 0 0 1 0 2 0
15 Burreli 1 0 0 1 0 2 0
16 Mamurrasi 1 0 0 1 0 5 0
