GREQI- Një emigrant shqiptar ka humbur jetën si pasojë e një aksidenti në punë. Lajmin e ka njoftuar ministria greke e Punës dhe është publikuar sot në mediat greke.
Viktima, Baki Riza, me moshë 56 vjeç po punonte për montimin e një oxhaku në një banesë private, në fshatin Mazi të Konicës. Ai ra nga një lartësi prej 7 metrash, ndoshta i goditur nga korrenti.
Sipas ministrisë së Punës, që i shpreh ngushëllimet familjes së të ndjerit, në vendgjarje ka shkuar një ekip i inspektoriatit të punës të Janinës, për të hetuar mbi rrethanat e aksidentit. AMNA
© Panorama.al
