Kreu i Partisë Demokratike, Sali Berisha, ka publikuar foto nga takimet e tij me zyrtarët evropian në Kongresin e 37-të të CDU-së në Berlin.
Berisha është takuar me Kryeministrin e landit Renani Veriore-Vestfali, Hendrik Wüst dhe ish-eurodeputetin Elmar Brok dhe deputetin e Bundestagut Gjerman, Volkmar Klein.
Po ashtu, Berisha ka publikuar në rrjetet sociale foto dhe nga takimi i tij me ish-Presidentin e Ukrainës, Petro Poroshenko dhe Kryetarin e Bashkisë së Berlinit, Kai Wegner.
Kujtojmë që kjo është vizita e parë jashtë shtetit e Sali Berishës, që kur atij iu hoq masa e sigurisë arrest në shtëpi.
Për këtë vizitë, kreu i Partisë Demokratike mori leje në SPAK, pasi do të duhej të paraqitej në kuadër të hetimeve ndaj tij.
© Panorama.al
