Zyra e zëvendës kryeministrit të parë të Kosovës, Behgjet Pacolli njoftoi sot se Republika e Ganës e ka njohur Republikën e Kosovës.
Sipas njoftimit, vendimi për njohje i është përcjellë zyrtarisht Pacollit nga ana e Ministrit të jashtëm të Ganës, Ahlaji Muhamad Mumuni.
Pacolli është shprehur i “lumtur” për këtë njohje, pasi “Gana ishte njëri nga shtetet më të vështira të Afrikës, për shkak se ndikimi i fqinjëve tanë verior, ishte i madh”.
Më tej, ai ka theksuar se në dhjetor të vitit të kaluar, në Nju Jork, është takuar me presidentin e këtij vendi, Xhon Ata Mills, ndërsa ka pasur takime edhe me Ministrin e jashtëm, Alhaji Muhamad Mumuni.
Zëvendës kryeministri i Kosovës, Behgjet Pacolli, thotë se “është optimist se njohjet për Kosovën do të vazhdojnë të vijnë”.
Gana është shteti i 86, që e ka njohur Republikën e Kosovës.(rel)
© Panorama.al
