Bundesliga austriake është përfshirë nga skandale krimesh dhe trukimesh. Fundjavën e kaluar, përveçse derbi i Austrisë u përfshi nga tubimi i tifozëve duke skandalizuar situatën në stadium, nga ana tjetër sfida mes kryesuesve të tabelës, Shturmit dhe Viner Noishtad (2-1) kanë manipuluar ndeshjen. Ky lajm vjen nga Gjykata e atij qyteti. Hetimet tregojnë se goli i fundit ka trukuar ndeshjen. Në minutën e 87-të, sulmuesi i vendësve Noishtad, Edin Salkiç, pa pandehur kapi topin me dorë dhe gjyqtari akordoi penallti, ku miqtë realizuan fitoren 1-2. Sipas radios “ORF” në bastet aziatike u vunë shuma të mëdha parash për fitore të Shturmit në minutat e fundit. Kjo gjë ka bërë që të nisin menjëherë hetimet, duke kontrolluar pikë së pari telefonatat dhe mënyrën e vënies së basteve. Në javën e parafundit, Shturmi qëndron dy pikë larg Austrisë së Vjenës, ku këta të fundit morën fitoren në tavolinë 3-0 kundër Rapidit të Vjenës.
Opinion
Gota e mbushur e tranzicionit shqiptar
RUDINA HAJDARI
Shqipëria që kemi humbur!
MARKO CAKA
Për dëshmorin e atdheut, Vladimir Ismailukaj
BILBIL MEMAJ
© Kjo faqe kontrollohet dhe menaxhohet nga Gazeta Panorama. Të gjitha materialet në të, përfshirë fotografitë, janë të mbrojtura me copyright të Panorames. Materialet në këtë faqe nuk mund të përdoren për qëllime komerciale. Ndalohet kopjimi, riprodhimi dhe publikimi i paautorizuar në çfarëdo mënyre, pa lejen paraprake të Panorama-s. Shfrytëzimi i materialeve pa lejen e Grupit Panorama është shkelje e te drejtave të autorit dhe të pronës intelektuale sipas dispozitave ligjore në fuqi. Të gjithë shkelësit e këtyre të drejtave do të ballafaqohen me ligjin. Të gjitha të drejtat Gazeta Panorama