Ai po luan gjithashtu një rol, në mënyrën e tij, në ëndrrën e Brazilit për të fituar Kupën e Botës 2026, që aktualisht luhet në Shtetet e Bashkuara, Kanada dhe Meksikë.
Po flasim për Juri Alexandre Santos, berberin zyrtar të ekipit brazilian, përgjegjës për stilimin e lojtarëve dhe stafit, për ata që zgjedhin të mbështeten tek ai.
Në një intervistë me Corriere della Sera, Juri foli konkretisht për marrëdhënien e tij me trajnerin Karlo Ançeloti:
“Takimi i parë ishte në shtator të vitit 2025. Që atëherë, unë ia kam prerë flokët vetëm atij”, tha ai.
“Çfarë lloj prerje kërkoi? Tradicionale, me një prekje braziliane. Kam takuar një burrë të veçantë, madje i rrëfehemi njëri-tjetrit për çështje personale.”
Berberi më pas zbulon se cili lojtar në skuadrën e Brazilit duket se interesohet më shumë për pamjen e tij:
“Vinicius,” përgjigjet ai, “vjen tek unë çdo tre ditë. Për ndeshje ose ngjarje marketingu, flokët e tij duhet të jenë perfekte.” /Panorama Sport/
© Panorama.al
