Mesazhi nuk mund të ishte më i qartë.
Në një Strategji të Sigurisë Kombëtare prej 33 faqesh të nënshkruar nga Presidenti Donald Trump, Shtëpia e Bardhë deklaroi se Evropa rrezikon të zhduket nëse nuk ndryshon kulturën dhe politikat e saj.
Për kryeministrin britanik Keir Starmer, presidentin Emmanuel Macron të Francës dhe kancelarin Friedrich Merz të Gjermanisë, koha e sulmit të fundit të aleatit të tyre kryesor – shumë në frymën e fjalimit të zëvendëspresidentit J.D. Vance në Mynih në shkurt – ishte zbuluese.
Ai erdhi pikërisht kur lufta e Rusisë në Ukrainë po hyn në një fazë potencialisht vendimtare.
Udhëheqësit evropianë janë thellësisht të shqetësuar për përpjekjet e SHBA-së për të arritur një marrëveshje me Rusinë, që do të përbënte një kapitullim të Perëndimit.
Kjo ka tronditur besimin në administratën Trump në kontinent dhe ka ngritur më shumë pyetje ekzistenciale, siç raporton Bloomberg:
“Aleanca transatlantike po shpërbëhet – a mund ta mbrojë Evropa veten?”, pyet ajo në analizën e saj për çështjen.
Më herët edhe Nju Jork Tajms kishte kushtuar një analizë të thellë, ku jepte edhe disa nga arsyet përse marrëdhëniet mes Uashingtonit dhe Brukselit ishin ftohur dhe ku mund të çonte kjo lloj diplomacie.
© Panorama.al
