Trajneri i Hanover 96, Mirko Slomka, aplikon larmishmëri ushtrimesh në seancat stërvitore me lojtarët e tij. Për pasojë, edhe Altin Lala, ish-kapiteni rekordmen i Shqipërisë për ndeshjet me fanellën kuqezi, ka rastin të dëshmojë aftësitë e tij jo vetëm futbollistike. Një moment të tillë e tregon edhe fotoja, ku shtatshkurtëri shqiptar i Hanoverit dylufton me një femër xhudiste, teksa është në kohën e traningut me skuadrën e tij. Atij i ka rënë për pjesë të ballafaqohet me Vivian Hermann, xhudisten profesioniste gjermane, madje ta mposhtë atë. Trajneri i skuadrës së xhudisteve profesioniste gjermane, Sven Loll, i cili fitoi medalje argjendi në Lojërat Olimpike të Seulit në vitin 1988, vlerësoi: “Altin Lala dhe Manuel Schmiedebach ishin po aq të gjallë e luftarakë në këtë tapet sa edhe në fushën e futbollit. Konstatova se ata kishin talent edhe për xhudon. Nëse do t’i mësonin teknikat e duhura të këtij sporti, suksesi i tyre s’do të vihej në dyshim.
“Është gjithmonë mirë, nëse në stërvitje provon diçka të re dhe të ndryshme nga menyja e zakonshme e futbollit,” – deklaroi Altin Lala pas përfundimit të dyluftimit, dukshëm i djersitur.
Opinion
Shqipëria që kemi humbur!
MARKO CAKA
Për dëshmorin e atdheut, Vladimir Ismailukaj
BILBIL MEMAJ
© Kjo faqe kontrollohet dhe menaxhohet nga Gazeta Panorama. Të gjitha materialet në të, përfshirë fotografitë, janë të mbrojtura me copyright të Panorames. Materialet në këtë faqe nuk mund të përdoren për qëllime komerciale. Ndalohet kopjimi, riprodhimi dhe publikimi i paautorizuar në çfarëdo mënyre, pa lejen paraprake të Panorama-s. Shfrytëzimi i materialeve pa lejen e Grupit Panorama është shkelje e te drejtave të autorit dhe të pronës intelektuale sipas dispozitave ligjore në fuqi. Të gjithë shkelësit e këtyre të drejtave do të ballafaqohen me ligjin. Të gjitha të drejtat Gazeta Panorama