Aktori James Hardy, i cili luajti në filma përfshirë “Jumanji”, “Top Gun: Maverick” dhe “Taps”, u vra nga djali i partneres së tij në një të shtënë me armë në Los Angeles të SHBA-ve.
Ngjarja u zbulua pasi një person telefonoi policinë të mërkurën në mëngjes dhe tha:
“Unë jam bir i njeriut, sapo vrava njeriun e mëkatit!”.
Kur oficerët mbërritën në vendin e treguar, ata e gjetën 81-vjeçarin Handy pa ndjenja në oborrin e përparmë të një shtëpie, i cili vuante nga plagët e shkaktuara nga thikë. Sipas burimeve policore, aktori ishte therur disa herë në gjoks.
Aktori veteran James Handy u ther për vdekje me thikë në periferi të Los Anxhelosit. Aktori u dërgua në një spital lokal, por mjekët nuk mundën të bënin më shumë sesa ta shpallnin të vdekur.
Pak kohë më vonë, 44-vjeçari Michael Glendhill thuhet se u tha oficerëve se ai ishte burri që po kërkonin. Glendhill është djali i partneres së Hardy-t dhe policia thotë se ai jetonte me nënën e tij.
Glendhill, i cili u kap nga kamerat e mbikëqyrjes duke ecur pranë shtëpisë së Hardy-t pas të shtënave, u arrestua me dyshimin për vrasje dhe lirimi me kusht i tij është caktuar në 2 milionë dollarë.
Megjithatë, motivi i vrasjes nuk është përcaktuar ende.
Karriera e Handyt filloi në vitet 1970, me rolin e tij më të fundit në filmin “Top Gun: Maverick”, ku luajti një barist me emrin Jimmy. Ai gjithashtu pati një rol në “Jumanji”, filmin klasik të vitit 1995 me protagonist Robin Williams.
Ai ishte shfaqur gjithashtu në seriale televizive si “The West Wing”, “9-1-1”, “NCIS: Los Angeles”, “CSI: NY”, “The Young and the Restless”, “Castle”, “Criminal Minds”, “Cold Case”, “Without a Trace”, “ER”, “The X-Files” dhe “Mulaney”.
© Panorama.al
