LUSHNJE- Një i ri humbi jetën dhe kushëriri i tij mbeti i plagosur gjatë një aksidenti me motoçikletë. Ngjarja ndodhi në orët e para të mëngjesit në bulevardin kryesor të qytetit.
Policia ka bërë me dije se viktimë e aksidentit ishte 23-vjeçari Dokleant Sulaj, ndërkohë që i plagosur kushëriri i tij Jurgen Sulaj.
Ata udhëtonin me një motoçikletë, e cila doli nga rruga dhe u përplas me një bordurë. Shkak i aksidentit dyshohet të jetë bërë shpejtësia e madhe me të cilën po udhëtonin të rinjtë, ndërkohë që policia po heton për zbardhjen e plotë të ngjarjes.
© Panorama.al
