Një aksident me pasojë vdekjen ka ndodhur në mesnatë në aksin rrugor “Vorë – Fushë-Prezë”, ku ka humbur jetën një 23-vjeçare.
Policia bën me dije se viktimë ka mbetur e reja me iniciale E.E., e cila dyshohet se ka humbur kontrollin mbi drejtimin e automjetit, i cili më pas është përplasur me barrierat anësore të rrugës.
Si pasojë, 23-vjeçarja ka humbur jetën në spital, ndërsa grupi hetimor vijon punën për zbardhjen e rrethanave të aksidentit.
“Më datë 13.02.2026, rreth orës 00:00, në aksin rrugor “Vorë – Fushë-Prezë”, shtetasja E. E., rreth 23 vjeçe, dyshohet se ka humbur kontrollin mbi drejtimin e automjetit, i cili është përplasur me barrierat anësore të rrugës. Si pasojë, 23-vjeçarja ka humbur jetën në spital.
Grupi hetimor vijon punën për zbardhjen e rrethanave të aksidentit. Materialet procedurale iu referuan Prokurorisë së Tiranës, për veprime të mëtejshme”, njofton policia.
© Panorama.al
