TIRANE- Komiteti Shtetёror pёr 100 vjetorin e Pavarёsisё, i mbledhur nёn drejtimin e Kryeministrit Berisha mori disa vendime nё kuadrin e festimeve pёr 100 vjetorit tё pavarёsisё sё Shqipёrisё.
Komiteti vendosi qё monumenti i Ismail Qemalit, i autorit Odise Paskali, i cili aktualisht ndodhet nё Muzeun Historik Kombёtar, tё zhvendoset nga ky Muze dhe tё vendoset nё vendvendosjen e aprovuar mё parё nga Komiteti, në lulishten në kryqëzimin e Bulevardit “Dëshmorët e Kombit” me rrugën “Ismail Qemali”. Ndёrsa monumenti i Ismail Qemalit, me autor Veli Blakçori, do tё vendoset nё Muzeun Historik Kombёtar.
Nё fjalёn e tij, nё hapje tё mbledhjes, Kryeministri Berisha theksoi edhe njё herё domosdoshmёrinё e pёrcaktimit tё tё vёrtetave historike tё kombit, si një proces jetik pёr tё ardhmen e njё kombi. “Për rrethana të caktuara, ne kemi pasur fatkeqësinë e deformimeve, tё largimeve, madje ndonjёherё edhe tё ecjes nё drejtim të kundër me të vёrtetën.”- tha ai.
Kryeministri Berisha solli gjithashtu, nё vёmendje tё Komitetit një tjetёr përvjetor të rëndësishёm për mbarë njerëzimin, përvjetorin e Perandorit Kosntandin, me origjinё ilire.
“Pas Krishtit, Muhamedit dhe Budës, Perandori Kostandin është burri më i rëndësishёm në historinё e njerёzimit,” – tha Kryeministri.
Pёr tё nderuar kёtё figurё, Kryeministri Berisha kёrkoi qё nё bashkёrendim me autoritetet e Kosovёs, të programohet nderimi dhe përkujtimi i tij, ndёrsa kёrkoi qё pёr kёtё qёllim, ambasada shqiptare nё Vatikan të marrë të gjitha kontaktet me Selinë e Shenjtë.
“Shqiptarëve, – tha Kryeministri – ju takon të shprehin nderimin e tyre ndaj këtij burri, që i bën paraardhësit tanë themelues ndër mё kryesorёt ose më kryesorin, pas Jezusit, të krishtërimit.”
Vendimet
Komiteti aprovoi si variant tё parё pёr monumentin e Ahmet Zogut, variantin ushtarak, me autor Kreshnik Zhiku. Komiteti aprovoi gjithashtu, tё mbёshtetet rikonceptimi i sheshit tё Vlorёs. Ne fjalen e tij Berisha kёrkoi qё sheshi i Flamurit tё shpallet monument kulture.
Komiteti aprovoi edhe projektin pёr mauzoleumin kushtuar Nёnёs Mbretёreshё dhe u kёrkua tё hapet menjёherё tenderi pёr realizimin e tij.
Komiteti kёrkoi tё hapet konkursi ndёrkombёtar, pёr realizimin e spotit pёr 100 vjetorin.
Komiteti aprovoi nё parim listёn e aktiviteteve kryesore pёr 100 vjetorin, si dhe krijimin e njё website pёr 100 vjetorin.
© Panorama.al
