Vrasësi i 8-fishtë me probleme mendore? Kohët e fundit nuk pranonte as prindërit. Ja se si jetonte

Aug 12, 2018 | 12:10
SHPËRNDAJE

ETLEVA DELIA/ Masakra e Selenicës mund të ishte parandaluar nëse familja dhe banorët e fshatit do të kishin vlerësuar siç duhet luhatjet emocionale të 24- vjeçarit Ritvan Zykaj.

Në fshat ai njihej si tepër “nevrik”, për shkak të sherreve të vazhdueshme që bënte me të tjerët. Disa madje kanë dyshime se ai mund të ketë pasur edhe probleme të shëndetit mendor. Megjithatë, asnjë nuk e thotë me siguri, as Policia.

ritvan-zykaj

Ndonëse prokurori ka kërkuar një ekspertizë mjekësore për të vërtetuar nëse ka apo jo probleme mendore, deri tani zyrtarisht nuk konfirmohet nëse ka apo jo.

Ndonëse nuk ka një ekzaminim zyrtar të gjendjes së tij mendore, të gjitha përshkrimet e mësipërme të çojnë në një dyshim të vetëm, se autori i krimit të 8- fishtë mund të ketë pasur, ose mund të ketë qenë në prag të ndonjë sëmundje mendore.

Madje, gjendja e tij së fundmi kishte pësuar përkeqësim, aq sa nuk pranonte të jetonte më as me prindërit e tij. Ndonëse në të njëjtën çati, Ritvani me vullnetin e tij jetonte në një dhomë të veçuar dhe nuk përzihej as me ta, as me të vëllanë dhe motrën.

Një tjetër element që vë në pikëpyetje shëndetin e tij është sjella e tij pas krimit. Ai nuk u vetëdorëzua, por si një triumfator nisi komunikimet në rrjetin social, duke shënuar një precedent të rrallë.

Edhe pas arrestimit, siç blutë e Vlorës konfirmojnë, autori i krimit nuk ka shfaqur pendesë. Pranoi krimin e kryer për shkak se sipas tij, e kishin akuzuar për vjedhjen e disa pulave. Më tej, ai kërkoi një avokat.

NDIQE LIVE "PANORAMA TV" © Panorama.al

Te lidhura