Policia e Durrësit, FNSH dhe RENEA të hënën në darkë organizuan një aksion blic në qytetin e Durrësit me qëllim arrestimin e personave të shpallur në kërkim.
Korrespondenti i Panorama.al, tregon se objekt i kontrolleve janë disa lokale të të fortëve të qytetit, ku vetëm pak minuta më parë kontrolli u përqëndrua tek lokalet e Plarent Dervishit.
Mësohet se në këto momente policia po fut në sitën e kontrollit një tjetër lokal të njohur në qytetin e Durrësit, ku mendohet se frekuentohet nga personazhe të njohura të botës së krimit.
I njëjti burim tha se ky operacion drejtohet nga kreu i Policisë së Durrësit, Lorenc Shehu.
© Panorama.al
