Aplikacioni ‘WhatsApp” ka sjellë versionin më të fundit të veçorisë “Edit” pas disa muajsh testimi për telefonat Android dhe iOS.
Opsioni i redaktimit të mesazhit të WhatsApp tani është i disponueshëm në Apple iPhone, i cili ju lejon të modifikoni mesazhin pasi të jetë dërguar.
Kjo veçori e bën më të lehtë për përdoruesit të bëjnë korrigjime dhe t’u shtojnë më shumë kontekst mesazheve pasi ato të jenë dërguar. Ky version i r ii pengon përdoruesit të fshijnë të gjithë mesazhin dhe më pas ta ridërgojnë mesazhin. Sakaq WhatsApp ka vendosur dhe një limit kohor prej 15 minutash, që do të thotë se mesazhet e dërguara do të jenë të redaktueshme deri në 15 minuta nga momenti i dërgimit.
Kujtojmë se WhatsApp po teston edhe një veçori të ndarjes së ekranit. Funksioni është i disponueshëm vetëm për disa testues beta për momentin. Me përditësimin e ri, përdoruesit mund të ndajnë ekranet e tyre gjatë një videotelefonate. Opsioni i ndarjes së ekranit do të jetë në fund të ekranit pas fillimit të telefonatës me video.
Është në pamjen e kontrollit të telefonatës, e cila gjithashtu i lejon përdoruesit të heqin zërin e telefonatës, të ndërrojnë kamerën dhe ta mbyllin telefonatën. Kur një përdorues zgjedh të ndajë ekranin e tij, gjithçka në ekran do të kapet dhe ndahet me personin në telefonatë.
Është e rëndësishme të theksohet se kjo veçori mund të mos funksionojë në versionet më të vjetra të Android dhe mund të mos jetë e mundur në thirrjet e mëdha në grup dhe personi mund të mos e shohë përmbajtjen e ekranit nëse përdor një version të vjetër të WhatsApp. Përdoruesit mund të ndalojnë ndarjen e ekranit kur të duan dhe kjo ndodh vetëm kur ata pranojnë të ndajnë ekranin e tyre.
NDIQE LIVE "PANORAMA TV" © Panoramaplus.al