Stilistja shqiptare, Nensi Dojaka është vlerësuar me çmimin prestigjioz “LVMH 2021” të Louis Vuitton për talentet e reja.
28-vjeçarja mori çmimin prestigjioz në industrinë e modës gjatë një ceremonie të mbajtur ditën e mërkurë në Fondacionin Louis Vuitton në Paris.
Ndërkohë të gjitha mediat e huaja shkruajnë për këtë sukses të stilites, e cila ka veshur modele të famshme si Bella Hadid, Emily Ratajkowski, Hailey Bieber dhe Kaia Gerber.
Pas lajmit që bëri krenar gjithë shqiptarët, ka reaguar edhe kryeministeri Edi Rama në një postim në rrjetet sociale ku shkruan: “W?W W?W W?W NENSI DOJAKA fituese e çmimit prestigjioz të Fondacionit Louis Vuitton për stilistët e rinj⭐️⭐️⭐️⭐️⭐️ Çfarë talenti❤️Çfarë krenarie??”
Sipas Delphine Arnault, nënkryetare ekzekutive e Louis Vuitton dhe organizatore e çmimit “LVMH”, juria, e cila përfshinte Kim Jones, Marc Jacobs, Stella McCartney dhe Virgil Abloh, ishte e impresionuar nga cilësia e lartë e punës së shqiptares Dojaka, këndvështrimit të saj dallues dhe një biznes fillestar që lulëzoi me sukses gjatë periudhës së vështirë të pandemisë.
“Unë mendoj se të gjithë kemi parë një markë të re me potencial të vërtetë për t’u rritur”, tha Arnault. “Ne mendojmë se ajo mund ta tërheqë atë fije për të zgjeruar dhe zhvilluar produktin e saj.”
Ndërsa stilistja shqiptare u shpreh pas ceremonisë: “Nuk mund ta besoja që kam fituar, jam e shokuar. Por jam gjithashtu i kënaqur sepse kam një vizion të feminitetit që dua ta ndaj me botën. Unë i dua trupat e femrave.”
Më shumë se 1.900 stilistë aplikuan për çmimin, i cili është i hapur për stilistë nën moshën 40 vjeç, të cilët kanë prodhuar të paktën dy koleksione të gatshme për t’u veshur.
/Panoramaplus.al
