“Pa ty dashni”, titullohet klipi më i ri i Sabianit me Marselin, ku si imazh shohim vajzën e tij aq shumë të komentuar në media për pamjen, Keisin. Ndërkohë që kishte kohë që flitej se vajza e tij do i hynte muzikës si këngëtare e grupit “OTR” me lider Noizyn, Sabiani ka menduar ta prezantojë vajzën si modele në klipin ku ai i këndon një vajze, që e ka bërë të vuajë, duke e lënë të lënduar.
Me bikini, duke kaluar dhe duke ekspozuar format e saj, Keisi shfaqet si një seks bombë. Klipi është realizuar nga “Full moon”, kompania e produksionit që drejtohet nga reperi Eli G Senaj.
“Ishte një këngë dashurie, xhirimet e së cilës shkuan shumë mirë mes Sabianit dhe vajzës së tij Keisi, duke qenë se ata kanë një marrëdhënie si shokë me njëri-tjetrin”, tha Eli për “Panorama Plus”.
Keisi është vajza nga martesa e parë e Sabianit, e cila në këtë klip shfaqet me gërshetat e të atit. Ajo është 17 vjeçe dhe u bë e famshme në një kohë të shkurtër, pas një interviste që dha për një televizion të Kosovës. Sipas Sabianit, ajo nuk është vetëm një modele e pëlqyer, por ka dhe zë shumë të bukur në të kënduar. Nuk dihet nëse ajo dhe Noizy do e nxjerrin duetin për të cilin është folur.
“On this day queen was born”, ishte dedikimi sipër tortës së ditëlindjes që djemtë e grupit OTR, me lider Noizyn, i bënë verën e kaluar Keisi Mejdinit. Bjondia me sy të shkruar dhe trup perfekt festoi 17-vjetorin, gjatë një feste ku gjithçka ishte surprizë nga reperi më i komentuar për famë, para dhe histori me vajza të ndryshe, Rigels Rajku.
E lançuar fillimisht në botën e modës, duke pozuar për marka të ndryshme, Keisi tani po punon intensivisht për të qenë partnerja në muzikë e Noizyt, ndërkohë që flitet se po punojnë bashkërisht për duetin dhe klipin e tyre të parë, që do të jetë padyshim një hit. Ndërkohë, duket se Keisin e do fama, pasi vetëm në pak muaj ajo është bërë një nga vajzat më të komentuara dhe më të klikuara në rrjetet sociale e portale.
Për babain e saj, Sabianin, i cili ka një karrierë të gjatë në tregun muzikor, fakti që e bija e tij po bën bujë në kohë të shkurtër nuk është rastësi. “E vërteta është që s’e kisha menduar ta bëj të famshme vajzën. Çdo gjë po ndodh në një mënyrë të habitshme nga një miniprezantim që i bëra në një nga intervistat e mia rutinë. Dhe ja, tani s’po ndalen më portalet…” Sa i takon talentit për të kënduar, ai përgjigjet: “Mua më ngjan me Jessie J, por edhe me Rihannën. Ka diksion, ngjyrë, tingull. E çuditshme, i ka dhënë Zoti bukuri dhe vokal të mrekullueshëm!”, thotë ai. Ndërsa në lidhje me komentet që bëhen për jetën e saj luksoze, përgjigjet: “Jetë luksoze s’mund të them. Por asgjë s’i mungon nga ato që kërkon të ketë e që ka nevojë. S’e kam idenë se kujt i thonë ‘luks’, gjithsesi çdo gjë me një cak dhe pa ekzagjerime”.
PAORAMA PLUS
NDIQE LIVE "PANORAMA TV" © Panoramaplus.al