Armaldo Kllogjeri është eliminuar mbrëmjen e djeshme në Big Brother Vip, dhe mungesa e një bilete vajtje-ardhje ka bërë të pamundur rikthimin në shtëpi, duke i dhënë kështu fund eksperiencës së tij në këtë format.
I ftuar në “Fun Club”, Maestro u shpreh se nuk e priste të shkonte kaq gjatë në lojë dhe se po të mos ishte për dashamirësinë e Luizit dhe të Oltës, nuk do ta gjente veten në shtëpi.
I bindur se nuk do të rikthehej më në shtëpi edhe nëse do ta kishte biletën e kthimit, Maestro ka bërë një tjetër deklaratë të fortë për konkurrentët e Big-ut, kur tha se nëse do të ishin larguar Olta dhe Luizi, do të kishte ikur nga shtëpia.
“Unë e kam thënë që nëse nuk do kisha Oltën dhe Luizin aty unë nuk e gjeja veten në Big Brother dhe nëse ata do të largoheshin, do të ikja edhe unë pas tyre”, tha Armaldo.
NDIQE LIVE "PANORAMA TV" © Panoramaplus.al