Këngëtari i dënuar për trafikim dhe abuzim seksual ndaj femrave dhe të miturve, R. Kelly është fejuar me një nga viktimat e supozuara të tij.
Këtë e ka zbuluar vetë gruaja në një letër që paraqiti para Gjykatës për mbrojtur këngëtarin dhe për të kërkuar një dënim më të butë për të.
“Emri im është Joycelyn Savage dhe jam e fejuara e Robert Kelly-t,” i tha 26-vjeçarja gjykatëses Ann Donnelly më 13 qershor në letrën e siguruar së fundmi nga Page Six.
“Po e shkruaj këtë letër në mbështetje të Robert përpara dënimit të tij, kështu që mund t’i shpjegoj gjykatës se nuk jam viktima që më ka paraqitur qeveria”- thuhet më tej në letër.
Savage, e cila ishte një nga dy të dashurat e Kelly-t, u foli në letër për marrëdhënien e saj me këngëtarin e “I Believe I Can Fly”, duke thënë se ata ndajnë një “lidhje të veçantë” dhe “dashuri të thellë”.
“Roberti nuk është përbindëshi që qeveria e ka përshkruar,” shtoi ajo. “Robert që unë njoh është shumë i ëmbël, i butë dhe i sjellshëm. Në fund të fundit, ai është siguruar gjithmonë që të kujdeset për mua, si dhe për çdo grua tjetër me të cilën ka qenë.”
Savage vazhdoi të lavdëronte karakterin e Kelly-t, duke e quajtur atë një “person të jashtëzakonshëm” i cili “shfrytëzon çdo mundësi që mundet për të ndihmuar ata në nevojë”.
Më pas mohoi akuzat e bëra për yllin e R&B, duke theksuar se “gjërat që janë thënë për të, me mua dhe gra të tjera të mbajtura kundër vullnetit tonë janë absolutisht të pavërteta”.
“Roberti dhe unë jemi thellësisht të dashuruar dhe më thyhet zemra që qeveria ka krijuar një narrativë se unë jam viktimë,” përfundoi ajo. “Unë jam një grua e rritur dhe mund të flas për veten time, prandaj doja t’i jepja gjykatës këtë letër.”
Pavarësisht lutjes së Savage, Kelly u dënua më 29 qershor me 30 vjet burg.
Savage ka qenë në mbrojtje të Kelly-t, pavarësisht akuzave për sjellje të pahijshme dhe abuzimeve kundër këngëtarit të “Trapped in the Closet”, shumë prej të cilave u shfaqën në serinë e dokumentarëve “Surviving R. Kelly”.
Në mars 2019, Savage, e cila u takua me Kelly-n kur ajo ishte 19 vjeçe, pretendoi se prindërit e saj krijuan akuzat kundër fituesit të Grammy-it si hakmarrje për qëllime “parash dhe mashtrimi”, sepse ata “nuk ranë dakord” me një marrëveshje muzikore që kishin.
Sidoqoftë, deri në atë nëntor, u raportua se Savage kishte bërë pretendimet e saj për sulm ndaj Kelly në platformën e anëtarësimit me pagesë Patreon.
“Isha unë duke qenë në deluzion pse dikush do të pretendonte se donte të më mbante të mbyllur si një kafshë e mallkuar,” thuhet se ndau ajo në një nga postimet e saj. Savage më pas mohoi se ajo ishte pas llogarisë në dhjetor 2019, duke pretenduar se dikush e kishte imituar atë.
Në llogarinë e saj në Instagram, ajo nuk ka postuar asgjë për fejesën me Kellin, dhe ajo nuk është shumë aktive në profil.
Ndërkohë, prindërit e saj kanë hedhur dyshime nëse propozimi ka ndodhur vërtet. Ata i thanë TMZ të hënën përmes avokatit të tyre se e kishin gjetur “të çuditshme” se Savage nuk dëshmoi për fejesën nën betim dhe në vend të kësaj e “rrëfeu” atë në një letër drejtuar gjykatës.
Këngëtari i “Ignition” ka qenë i martuar dy herë më parë. Ai pati një martesë jetëshkurtër – dhe të paligjshme – me të mbrojturën e tij të ndjerë Aaliyah në mesin e viteve ’90, kur ajo ishte 15 vjeç dhe ai ishte 27. Kelly ishte martuar më pas me koreografen Andrea Lee nga viti 1996 deri në 2009.
NDIQE LIVE "PANORAMA TV" © Panoramaplus.al