Loredana Zefi ka publikuar projektin e saj të fundit muzikor “Angst” në gjuhën gjermane. Dhe kënga iu është kushtuar bashkëshortit të saj, Mozzik.
Me anë të “Angst”, reperja i drejtohet Mozzik duke i thënë se është babai i vajzës së saj dhe se nuk do e lërë kurrë në pisllëk.
Ndërsa njerëzve që flasin për marrëdhënien e tyre u ka kërkuar të lënë komentet, duke i konsideruar të pavlera.
“Dhe për Mozzik, ti je babai i vajzës sime, atëherë lini komentet tuaja të pavlera. Kurrë nuk do e lija babain e fëmijës tim në pisllëk, sepse ka diçka të quajtur edukatë dhe respekt!”– këndon Loredana.
Ndërsa në video shfaqet edhe një foto e reperit duke puthur vajzën e tyre Hanën.
Ish çifti i njohur u komentua shumë pas ndarjes së tyre pak kohë pasi vajza Hana erdhi në jetë.
Megjithatë, Loredana ka treguar gjithmonë respekt ndaj ish bashkëshortit të saj ndërsa është shprehur se do e dojë përherë pasi është babai i Hanës, në ndryshim nga Mozzik.
Ky i fundit, iu drejtua reperes duke i kërkuar të mos viktimizohet duke u kapur pas vajzës së tyre.
NDIQE LIVE "PANORAMA TV" © Panoramaplus.al