Hueyda El Saied spikati që në daljen e saj të parë në “12 vallëzime pa një të shtunë”. Pas kësaj, ajo prezantoi edhe disa emisione të ndryshme, duke u kthyer kështu në një nga vajzat më të pëlqyera e më të komentuara në showbiz-in shqiptar.
Teksa të gjithë e njohim si prezantuese spektaklesh, si balerinë apo edhe piktore, ajo së fundmi ka treguar se cili është profesioni i saj i vërtetë.
Ajo është bërë pjesë e rubrikës “10 gjërat që nuk i dinit për…” në revistën “Who”, ku ka zbuluar shumë sekrete rreth vetës së saj.
“Jam juriste. Ju më njihni si prezantuese, balerinë apo piktore, por studimet e larta i kam kryer për drejtësi në ‘Fakultetin e drejtësisë’ në Tiranë. Kam bërë dy master, një për ‘Marrëdhënie Ndërkombëtare’ dhe tjetrin për të ‘Drejtat e njeriut’ në universitetin e Romës, Itali”, shprehet ajo.
Njëkohësisht ka treguar edhe punën që bën në Luksemburg, aty ku jeton prej vitesh me familjen dhe djalin e saj
“Punoj në një bankë amerikane në Luksemburg si eksperte në departamentin “Kundra pastrimit të parave”, ka treguar Hueyda.
NDIQE LIVE "PANORAMA TV" © Panoramaplus.al