Një sondazh i zhvilluar online tregoi se gratë preferojnë më shumë personalitetin sesa pamjen, prandaj nuk zgjedhin djemtë me muskuj e trupa të palestruar.
“Cosmopolitan” ndan me të gjithë përfundimet e sondazhit:
Një “trup si i babait” është lloji më i preferuar kur vjen puna për të zgjedhur një partner.
Platforma e takimeve në internet, “Dating.com”, kreu një sondazh me anëtarët e saj për të zbuluar preferencat e llojit të trupit kur kërkonin një partner. Vetëm 15% e të anketuarve thanë se preferojnë një trup të palestruar e me muskuj.
Për 20% të të anketuarve, lloji i trupit të partnerit të tyre nuk kishte rëndësi, pasi preferonin të përqendroheshin te personaliteti më shumë sesa te pamja. Dhe gati 75% zgjodhën një partner me një trup normal, të pa palestruar.
Më shumë gra preferojnë trupat “e butë” dhe “të rrumbullakët”. Sipas tyre, shpesh trupat e tonifikuar i bëjnë të frikësohen dhe të mos ndihen mirë me veten e tyre.
Ato shprehën dëshirën për të pasur një partner që jo vetëm ushtrohet, por që bashkohet me to edhe për të ngrënë një picë apo hamburger.
NDIQE LIVE "PANORAMA TV" © Panoramaplus.al