Një modele është kafshuar në fytyrë disa herë nga një leopard gjatë realizimit të një seti fotografik. Jessica Leidolph, 36 vjeç, u lëndua gjatë sulmit nga leopardi në Gjermani, shkruan “The Sun”.
Leopardi 16-vjeçar me emrin Troja, sulmoi papritur pasi Leidolph hyri në zonën e tij, duke e lënë modelen të plagosur në fytyrë. Ajo humbi ndjenjat në ato momente dhe u dërgua me aeroplan në spital me plagë të rënda nga të cilat dilte shumë gjak. Ajo u fut menjëherë në sallën e operimit.
“Ajo më kafshoi faqen, veshin dhe kokën,“- tha ajo më vonë.
Pronari 48-vjeçar i leopardit ka punuar si trajner i kafshëve për 20 vjet dhe ka një licencë ligjore për të mbajtur kafshët. Një zëdhënës i rrethit Burgenlandkreis zbuloi se nuk kërkohet leje në Saksoni-Anhalt për të mbajtur leopardë.
Një oficer i shëndetit publik vizitoi kompleksin të Mërkurën për të kontrolluar nëse kafshët ishin mbajtur në mënyrë adekuate dhe nëse objekti plotësonte standardet.
Ndërkohë, Jesiça në faqen e saj të internetit shkruan se është një aktiviste për të drejtat e kafshëve në kohën e saj të lirë dhe ka një kalë, mace, papagallë dhe pëllumba në shtëpinë e saj.
NDIQE LIVE "PANORAMA TV" © Panoramaplus.al