Tesla ka zhvendosur Volkswagen si prodhuesin e dytë të makinave më me vlerë në botë. Kjo pas një rritje dramatike të çmimit të aksioneve të Teslas që e çoi vlerën e saj në treg në më shumë se 100 miliardë dollarë.
Çmimi i aksioneve të Teslas, me shef ekzekutiv Elon Musk, është dyfishuar që nga tetori kur firma raportoi një fitim të rrallë për 3 muaj.
Aksionet u rritën 4% të mërkurën, duke u bërë prodhuesi i dytë më me vlerë pas Toyota.
Toyota ka një vlerësim të aksioneve në treg më shumë se 230 miliardë dollarë.
Disa analistë thonë se rritja e çmimit pasqyron performancën e Tesla në muajt e fundit, gjatë së cilës ka hapur një fabrikë në Shanghai dhe përmbushi qëllimet e saj të prodhimit.
Këtë muaj, Tesla tha se shiti më shumë se 367.500 vetura vitin e kaluar, 50% më shumë se 2018.
Investitorët presin që fabrika e re të veprojë si një trampolinë që do ta lejojë atë të kapë më shumë tregun kinez.
Pavarësisht rritjes, shitjet e Teslas mbeten të vogla në krahasim me ato të konkurrentëve të saj.
Volkswagen shiti pothuajse 11 milion automjete vitin e kaluar, ndërsa Toyota më shumë se 9 milion në 11 muajt e parë të 2019.
NDIQE LIVE "PANORAMA TV" © Panoramaplus.al