Pak ditë më parë, shefi i njohur i kuzhinës, Renato Mekolli, bëri një festë të madhe me Vip-a, me rastin e njëvjetorit të hapjes së restorantit të tij.
Mekolli, tashmë, është bërë një personazh televizioni dhe duket që e pëlqen shumë këtë botë. Ai u bë i njohur falë formatit “Master Chef” në Top Channel, ndërkohë që më vonë u bë pjesë e formateve të tjera televizive, të cilat nuk kanë lidhje me artin e kulinarisë.
Ai fitoi “Dancing With the Stars” bashkë me partneren e tij Laura Nezha, duke treguar se zotëron disa aftësi të tjera, përveç gatimit. Tashmë Renato ka shumë miq Vipa dhe nuk kishte si të mungonin në festën e tij.
Paparazzi ynë ka kapur këngëtaren e njohur Rovena Dilo, e cila nuk ka humbur rastin të provojë ushqimet e shijshme të Renatos, megjithëse e dimë që ajo është shumë e kujdesshme me linjat. E kush mund t’i rezistonte pjatave të tilla!
NDIQE LIVE "PANORAMA TV" © Panoramaplus.al