Këngëtarja e famshme me origjinë shqiptare, Rita Ora, së fundmi është në qendër të vëmendjes së mediave rozë, pasi thuhet se ka ringjallur romancën e saj me të dashurin, Andrew Watt.
Por një ditë më parë, Rita i ktheu sytë e publikut nga vetja me fizikun e saj perfekt. 28-vjeçarja publikoi në profilin e saj në “Instagram” disa fotografi me bikini të kuqe, ku dukej në super formë.
Fotot kanë marrë mijëra pëlqime dhe qindra komente ku e komplimentojnë për format perfekte. Por komenti i mamit të saj, ka marrë vëmendjen e ndjekësve të këngëtares.
“Oh Rita pita qika mire e shtëpisë së mirë”, i shkruan në shqip Vera. Kjo e fundit herë pas here bën komente në gjuhën shqipe në postimet e të bijës.
