Është “Një botë krejt e re” për Kim Kardashian dhe Pete Davidson.
Para se të fillonte të dilte me themeluesen e Skims, ylli i “King of Staten Island” po planifikonte të hiqte të gjitha tatuazhet e tij; tani, ai thjesht nuk mund të ndalojë së shtuari të reja kushtuar të dashurës së tij.
Në disa foto të reja që Kim postoi në Instagram të hënën, çifti shihej në një selfi pranë pishinës, teksa fansave nuk u shpëtoi tatuazhi i ri i komedianit.
View this post on Instagram
Përgjatë supit të tij Pete ka një tatuazh të vogël të ri dedikuar herës së parë që të dy u puthën. Tatuazhi përmban emrat “Jasmine” dhe “Aladdin” me një shenjë pafundësie në mes, duke iu referuar skenës në “SNL” në të cilën dyshja luajtën së bashku kur Kardashian mori pjesë në shfaqjen e humorit në tetor 2021 – dhe dashurisë së tyre të përjetshme.
Skeçi ishte padyshim shumë i rëndësishëm për çiftin, pasi Kim u shpreh se kishte ndjerë një shkëndijë kur ata u puthën për herë të parë dhe më vonë i kërkoi një producenti numrin e telefonit të Davidson. Plus, sapo Davidson dhe Kim zyrtarizuan lidhjen e tyre, ai i dhuroi asaj kostumet që kishin veshur në skeç.
“Në të vërtetë, për Ditën e Shën Valentinit, ai më solli qilimin dhe të gjitha veshjet dhe llambën e vogël”, i tha Kim Jimmy Kimmel në prill.
Ky tatuazh është vetëm një nga disa tatuazhet që Pete ia ka kushtuar dashurisë së tij. Ai ka gjithashtu “KNSCP” – inicialin e parë të Kim së bashku me ata të katër fëmijëve të saj, North, Saint, Chicago dhe Psalm West – si dhe një tatuazh “vajza ime është një avokate” referuar ambicieve të të dashurës së tij. Davidson madje ka të shënuar emrin e Kim në gjoks.
NDIQE LIVE "PANORAMA TV" © Panoramaplus.al
View this post on Instagram
