Dy artistë më të dëgjuar të momentit janë bërë sërish bashkë për të sjellë për fansat e tyre një projekt të ri muzikor.
Bëhet fjalë për reperin, Bardhi dhe këngëtaren e mirënjohur, Shkurte Gashin, të cilët po punojnë për një këngë të re.
Projektin e ri e bëri me dije Bardhi në një postim që ka bërë së fundmi në llogarinë e tij në ‘Instagram’ duke zbuluar se projekti do të publikohet brenda një kohe të shkurtër.
“Për Bajram një bakllava e keni prej meje dhe Shkurte Gashi”,- ka shkruar Bardhi në mbishkrimin e postimit.
Kujtojmë që Bardhi dhe Shkurte bashkëpunuan në këngën “Mama Mia” që e sollën bashkë me Nora Istrefin që pati një pëlqyeshmeri të madhe në publik duke u bërë kështu edhe ‘hit’.
Projekti i tre artistëve u publikua në korrik të 2022 duke grumbulluar mbi 17 milionë klikime në YuTube deri më tani.
Mbetet për tu parë, nëse kënga me Shkurte Gashin do i sjell Bardhit më shumë klikime dhe fansa.
NDIQE LIVE "PANORAMA TV" © Panoramaplus.al