Jennifer Lopez dhe Ben Affleck janë parë në shtëpinë e këngëtares në Los Angeles pas ndarjes së saj nga ish i fejuari, Alex Rodriguez.
Aktori 48-vjeçar, i cili doli me Jennifer nga viti 2002 deri në 2003, është fotografuar duke shkuar në shtëpinë e saj në fillim të kësaj jave, por burimet thonë se ata nuk janë asgjë më shumë se miq, shkruan “Daily Mail”.
Në fillim të këtij muaji, Jennifer konfirmoi se ishte ndarë nga i fejuari, Alex, pas katër vitesh bashkë, duke thënë në një deklaratë se ishin më mirë si miq bashkë.
Kjo deklaratë erdhi pas lajmeve se Rodriguez e ka tradhtuar aktoren 51-vjeçare dhe se tashmë ajo nuk kishte më besim tek ai.
Affleck është parë duke shkuar shumë herë në shtëpinë e Jennifer gjatë ditës.
Jennifer dhe Affleck janë fotografuar duke dalë nga i njëjti automjet, por në periudha të ndryshme kohore.
Affleck u nda nga e dashura Ana de Armas, 33 vjeç, në fillim të këtij viti pas një viti lidhje.
NDIQE LIVE "PANORAMA TV" © Panoramaplus.al